«сергелидаги портлаш» тегли мақолалар
Сергелидаги портлашдан кўрилган зарар 14,5 млрд сўмга баҳоланмоқда, 1370 та хонадон ва 246 та уйга зарар етган
Сентябрь охирида Тошкент шаҳри Сергели туманидаги омборхонада юз берган портлаш оқибатида 1370 та хонадон (илгари 600 га яқин экани айтилганди) ва 246 та уй (25) зарар кўрган. Ҳукумат комиссияси етказилган зарар 14,5 млрд сўмни ташкил этганини билдирди. Мактаб ва болалар боғчаси ҳам зарар кўрган.
Тошкентнинг Сергели туманидаги портлашга нима сабаб бўлди? Ҳукумат комиссияси баёноти
Сергелидаги портлаш юз берган омборхонада катта миқдорда кимёвий моддалар сақлангани аниқланди, дея маълум қилди ҳукумат комиссияси. Портлаш оқибатида жами 14,5 млрд сўм зарар етказилган. Қўзғатилган жиноят иши доирасида 4 кишига «қамоққа олиш», яна бир нафарига «гаров» эҳтиёт чораси қўлланилган.
Орадан 20 кун ўтиб: Сергелидаги портлашдан жабрланганлар ҳозир қандай шароитда яшамоқда? Видеорепортаж
Сергели тумани «Қурувчилар» мавзесидаги портлашда хонадонларга шикаст етган кўплаб фуқароларга зарар ҳалигача тўлиқ қоплаб берилгани йўқ. «Газета.uz» аҳоли, жумладан, портлашда ҳалок бўлган боланинг яқинлари билан суҳбатлашди. Туман ҳокимлиги келтирилган ноқулайликлар учун фуқаролардан узр сўради.
Сергелидаги ҳолатдан фойдаланиб, аҳолидан пул ундирмоқчи бўлганлар аниқланди
Сергели туманида содир бўлган портлаш оқибатида зарар кўрган аҳолидан пул ундирмоқчи бўлган шахслар аниқланди. Пойтахт ҳокимлиги таъмирлаш ишлари бепул амалга оширилаётганини эслатиб ўтди.
«Тийин-тийинигача айбдорлардан ундириб олинади». Бош вазир матбуот котиби Сергелидаги портлаш зарарини давлат қоплаб бераётгани ҳақида
Сергелидаги аҳоли турар жой бинолари ва хонадонларини таъмирлаш учун давлат ҳисобидан ишлатилган пуллар тийин-тийинигача айбдорлардан ундириб олинади. Бу ҳақда бош вазир матбуот котиби шу мавзуда бўлган баҳс-мунозаралардан сўнг маълум қилди.
Президент Германиядан телефон қилиб турибди. Бош вазир — Сергелидаги портлаш ҳақида
Бош вазир Сергелида содир бўлган портлашнинг эртаси куни ҳам ҳудудга бориб, аҳоли билан мулоқот қилди. У президентнинг ҳолат бўйича бош вазир ва ҳокимга тинимсиз қўнғироқлар қилгани, уларнинг давлат раҳбари эътиборидан четда қолмаслигини айтди.
Видеорепортаж: Сергелидаги портлашдан зарар кўрганлар бошдан кечирганлари ҳақида
«Газета.uz» Тошкент шаҳрининг Сергели туманидаги омборхонада юз берган портлашдан жабрланганлар билан суҳбатлашди. Гувоҳлар портлаш зарбаси уларни қандай орқага улоқтириб юборганини сўзлаб беришди ва уйидаги вайроналарни кўрсатишди. Портлаш сабаби эса ҳануз номаълумлигича қолмоқда.
BYD: Портлашда шикастланган автомобиллар утилизация қилинади, етказиб бериш муддати ўзгармайди
Тошкентдаги омборхонада юз берган портлашда шикастланган автомобиллар утилизацияга юборилади, деб хабар берди BYD. Автомобилларни етказиб бериш бўйича барча мажбуриятлар шартномада кўрсатилган муддатларда бажарилади, дея таъкидлади компания.
Сергелидаги портлаш оқибатида 592 та хонадон, 25 та ҳовли, 1 та мактаб ва 2 та боғчага зарар етди
Сергели туманидаги портлаш оқибатида 592 та хонадон, 8 та хизмат кўрсатиш шохобчаси, 1 та мактаб ва 2 та боғча биноларининг фасад қисми ҳамда дераза-ромларига зарар етди, дея маълум қилди Тошкент шаҳар ҳокими в.б. Шавкат Умурзоқов.
Сергелидаги ёнғинни ўчиришга 8 соатдан кўпроқ вақт кетди
Ўт ўчирувчилар Тошкент шаҳри Сергели туманидаги кучли портлаш содир бўлган омборхонадаги ёнғинни 8 соат давомида ўчирди. ФВВ ва бошқа тегишли ташкилотлардан жами 210 та техника ва 2000 дан ортиқ шахсий таркиб жалб қилинди, деб хабар қилди Фавқулодда вазиятлар вазирлиги.
Сергелидаги портлаш сабабларини ўрганувчи ҳукумат комиссиясига қандай вазифалар юкланди?
Бош вазир ўринбосари Ачилбай Раматов бошчилигидаги ҳукумат комиссиясига уч кун муддатда Тошкент шаҳрининг Сергели туманидаги омборхонада содир бўлган портлаш сабабларини ўрганиш, талафотларни бартараф этиш ҳамда фуқароларга тиббий-психологик ёрдам кўрсатиш вазифаси топширилди.
Сергелидаги портлаш оқибатлари — суратларда
Пайшанба тонги барчани ларзага солган Сергелидаги портлаш ҳақидаги хабарлар билан бошланди. Омборхонадаги чақнаш оқибатида кўплаб уйлар ва тижорат биноларига зарар етди, 160 дан ортиқ фуқаро жароҳатланди, 16 ёшли бола вафот этди. «Газета.uz» мухбири Мадина Аъзам ушбу ҳудуддан фоторепортаж тайёрлади.
Тошкентдаги омборхонада юз берган портлашда янги машиналар шикастланди (фото)
Тунда портлаш кузатилган Тошкентдаги омборхонанинг очиқ ҳудудида ўнлаб янги импорт автомобиллар, жумладан, электромобиллар бўлган. Улардан баъзилари шикастланган. Божхона қўмитаси ходими омбор хўжалик субъектига тегишли бўлиб, божхона органларининг иншоотлари сирасига кирмаслигини қайд этди. Фото.
«Қўрққанимдан қандай қилиб кўчага чиқиб олганимни ҳам билмайман». Сергелиликлар — портлаш ҳақида
Сергелидаги портлаш юз берган вақтида одамлар уйқуда эди. Кўпчилик довдираб қолган, кимдир зилзила бўлаяпти деб ўйлаган, бошқаси боласини бағрига босиб, кўчага отилган. Ҳодисада жабрланган сергелиликлар биринчи таассурот ва энди нима қилмоқчи эканликлари ҳақида «Газета.uz»га гапириб берди.
Фоторепортаж: Тошкентдаги портлаш жойида ёнғинни ўчириш ишлари давом этмоқда
«Газета.uz» мухбирлари Тошкент шаҳри Сергели туманидаги портлаш содир бўлган жойдаги вазиятни кузатишда давом этмоқда. У ерда ёнғинни ўчириш давом этяпти. Портлаш оқибатида очиқ майдонда сақланаётган автомобилларга ҳам зарар етган.
Сергелидаги портлаш бўйича жиноий иш қўзғатилди — ИИВ
Сергели туманидаги портлаш бўйича ИИВ Тергов департаменти томонидан Жиноят кодексининг 259-моддаси (Ёнғин хавфсизлиги қоидаларини бузиш) 2-қисми «а» ва «б» бандлари билан жиноят иши қўзғатилди. «Ҳозирда кечиктириб бўлмайдиган тергов ҳаракатлари амалга оширилмоқда», — дейилади вазирлик хабарида.
«Аҳолининг зарари тўлиқ давлат томонидан қоплаб берилади» — Сергели тумани ҳокими
Сергели туманидаги омборхонадаги портлаш оқибатида талафот кўрган ҳар битта хонадон инвентаризациядан ўтказилмоқда, деди туман ҳокими Элбек Шукуров. У етказилган зарар тўлиқ давлат томонидан қопланишини таъкидлади. Ҳудудда аҳоли учун овқатланиш ва тиббий хизмат кўрсатиш пунктлари ташкил этилган.
Сергелидаги портлаш оқибатида 163 киши жароҳатланди — ССВ
Сергели тумани «Қурувчилар» даҳасидаги портлаш оқибатида 163 киши жароҳатланди, деб хабар берди ССВ. Уларнинг 24 нафари шифохонага ётқизилган, аҳволи ўртача оғир деб баҳоланмоқда. Вазирлик 16 ёшли боланинг ўлимини тасдиқлади.
Сергелидаги портлаш оқибатида 11-синф ўқувчиси вафот этди
«Газета.uz» Тошкентнинг Сергели туманидаги омборхонада юз берган кучли портлаш оқибатида 11-синфда ўқувчи бола ҳалок бўлганини аниқлади. Унинг бошига ром тушиб кетгани айтилмоқда.
Сергелидаги портлаш жойидан фоторепортаж
Кечаси Тошкентдаги Қурувчилар даҳасида жойлашган омборда юз берган кучли портлаш ёнғинга сабаб бўлди. Кўп қаватли уйларнинг ойналари синган. Жабрланганлар бор, аммо уларнинг сони очиқлангани йўқ. Воқеа жойида махсус хизматлар иш олиб бормоқда. «Газета.uz» мухбирлари у ердан фоторепортаж тайёрлади.
Энг кўп ўқилган хабарлар | Сўнгги янгиликлар
- Тошкентда юқори тезликдаги Kia уриб юборган пиёда вафот этди
- Олмалиқда яшаш хонадонига кириб қолган эчкиэмар табиатга қўйиб юборилди (+видео)
- «Тайёр эмасмиз, бунга вақт керак». Олий таълим вазири — ректорларни сайлаш ҳақида
- Фото: Тошкентда илк бор мудофаа соҳасидаги инновацион технологиялар фестивали бўлиб ўтди
- Тошкентда 4 та автобуснинг ҳаракат йўналиши ўзгарди
Қўшимча имкониятларга эга булиш учун сайтда рўйхатдан ўтинг